الاثنين، 8 أغسطس 2011
0 حضري صلصة البيتزا بنفسك! وبالصور
طبعا الأغلب منا يشتري صلصة البيتزا جاهزه مع إنه كل مكوناتها موجوده أمامك بالمطبخ وسهله وما بدها شطاره بشوية خطوات بتحضريها بدون لا مواد حافظه ولا شيء غير مضمون ستحتاجين التالي للصلصة:
بندوره طازجه
لرب البندورة
كاتشاب
بصل مبشور ناعم
كمون
ورق زعتر ناعم وناشف
بهار كنور او ماجي
الطريقه :
بتقلي البصل المبشور ناعم بزيت الزيتون او اي زيت ..
لما تحسي انه ذبل كويييييييس وبطل يقرمش ضيفي الكمون والبندوره
**ملاحظه**
تبشر البندوره بالمبشره يعني بشيل القمع وبمسكها و ببلش أبشر وهي غير مقشره حتى ينزل كل اللب وتبقى القشره وهاي اسهل من التقشير والعصر بالمولينكس
الان اضيفي لب البندوره والكاتشاب ثم الزعتر الناشف لكن لا تكثري
اتركيها تغلي شوي وحطي الماجي أو بودرة الكنور وذوقي ملحتها وخلص
الآن حضري العجين وإفرديها على شكل اقراص دائريه واثقبي قاعدتها بالشوكه ومرري اطراف اصابعك حتى ما تنفخ العجينه وحطي اول شيء الكاتشاب وبعدين من الصلصه يلي عملناها وبعدين باقي الحشوات
أما الحشوات ممكن تستعملي النقانق المجمد ازكى من المعلب وأحسن ولحمة الاكسترا وهي زاكيه على البيتزا
بنبلش باللحمه اما النقانق او لحمة الاكسترا وبنكمل انا هون موضحه على النقانق بس للحمة الاكسترا نفس الخطوات
واخر شي بنحط الفلفل الحلو أو الفليفله والجبنه المبشوره وشرائح من الزبده على الوجه ::
هذا الشكل النهائي لبيتزا لحمة الاكسترا
وهذا النقانق
ثم ندخلهم الفرن ويطلعوا بهذا الشكل
وو صحتييين وألف عافية
الاشتراك في:
تعليقات الرسالة (Atom)
ليست هناك تعليقات:
إرسال تعليق